Kalmad ayaa noloshiisa Gadisay.!


Waxay ahayd ku sinaan badhtamihii 2005 tii mar aan fasax gaaban ku jooga deegan miyi ah, waa wakhti aan dhameeyay waxbarshadii Dugsiga Sare isuna diyaarinayay bilowga Jaamacad.


Habeen habeenada ka mid ah ayaa sheekh kitaab Fiqi ah Masjidka Tuulada noogu marin jiray aniga oo meesha safar ku ahaa iyo ninka kale oo deegaan ahaa, ayuu sheekhu iga codsaday in aan dhalinyarada Tuulada wixii laga heli karo isgu yeedho Masjidka Bacda Maqrib si waano iyo wacdi loogu jeediyo, Kitaab yar oo Caqiido ahna loogu bilaabo cidii diyaar u ah, Intii Alle  Swt iga waafajiyay ayaan u yeedhay habeenkaas waano iyo wacdi ayuu sheekhu ku akhriyay una soo bandhigay kitaab uu rabo inuu bilaabo, hawraarsan ayay ku qaabileen dalabkii sheekha. Goortii kulanku gabogabo ku dhawaa ayuu sheekhii kalmad dardaarna ah iga codsaday maadaama aan ka yara weynaa dhalinyarada goobta joogtay, maan badinine  waxaan ku soo koobay "saaxiibayaal maanta sidaad u dhaqanto, u fakarto, una barato cilmiga maadi iyo diiniba ayuu bari mustqabalkaagu noqonayaaye ku xisaabtan".

Aniga waxay ii ahayd kalmado caadi ah oo anigaba maalin kasta la igu odhan jiray lakiin ciduu alle wax la rabo ayuu waafajiyaaye, wiil dhalin yaro ah ayay si kale ugu dhadhantay. Wiilku waxa uu ahaa dhalinyarda kacaanka ah ee tuulada, waxa uu ka soo jeeday qoys danyar ah oo hayntoodu aanay badnayn, waxa uu dhiganayay dugsi tuulada ku yaala lakiin muu ahayn mid waxbarashada jecel siduu ii sheegay sanado ka dib, wiilkii habeenkaas waxuu ka mid noqday arday tiro yaraa oo kitaab caqiido ah halkii sheeku ugu  bilaabay.

Sideed (8) sano iyo badh ka dib maalintaas ayaan dib u kulanay maalin jimce ah wiilkii, salaan ka dib waxuu iiga sheekeeyay qisadii kulankaas iyo sidii ay noloshiisu isu badashay maalintaas ka dib, waxuu yidhi " waxaan ahaa wiil yar oon aqoonta diini & maadi midna daryeelin lakiin maalintii aad kalmadaas na tidhi ka dib waxaan bilaabay barashada aqoonta diinta, meel kasta oo lagu dhigayona waan tagaa ilaa aan maanta ka marayo heer  fiican oo ah qalin jabin Madarasadda Dacwa ee magaalada Hargaysa, alxamdulihaa waan is badalay si weyn, maan filayn inaan sidan oo dhan ay nolashaydu isu badalayso, alxamdulihaa sidaas ayaan jecelaaday inaan kuula wadaago maanta raadka kulankaas yari uu noloshayda kulaah. Mahadsanid walaalkay".
Subxaanalaah, qofka aan kaaga waramayaa maaha Bukhaari, Dahabi ama Culaamtii Muslimiinta ee kalmada weelayn jiray laakiin waa wiil yar oo reer miyi ah imikana Hargaysa jooga, marka aad eegto wajigiisa nuurka ka baxaya waad yaabaysaa, maansha allah, waxa biyo dhigtay barshada aqoonta diinta, waxa uu hadda oo sheekadu noo socto gacanta ku hayaa kitaab weyn oo imtixaan uu ugu diyaar garoobayo.

Runtii dareen gaar ah ayay igu reebtay markuu qisadan noloshiisa iiga sheekaynayay waayo waxaan dib u xusuustay waayihii nololeed ee deegaankiisa, qoyskiisa iyo isaguba ku sugnaayee. waxuu ku barbaaray deegaan barshada diiniga iyo maadiguba ku yar yahay, qaadka iyo qudhunka qabyaaladuna biyo dhigtay, waa deegaan qaadka & fadhi ku dirirka bilaaba marka cadceedu godka baalka galiso, waa bulsho aan war ka hayn horumarka dunida, waa kaaf iyo kala dheeri sidan iyo siduu ahaa deegaankuu ku barbaaray.

Jimcihii ina dhaafay 21 febraayo oon kulanay  ayuu ii sheegay inuu ka soo laabtay Dacwo diineed oo ku tagay deegaankii uu ku barbaaray iyo tuulooyin u dhaw.
Akhriste qisadani waa mid aan goob joog u ahaa, waxay dareen celin u tahay sida quluubta alle u gadiyo, habeenkaas sheekh Ismaaciil oo wacdi aan loo yaraysan jeediyay iyo kalmaduu wiilku xushay ayaa iga yaabisay.

Mar kasta oon arko wiilkii yaraa waxaan xusuustaa xadiiskii Nabiga NNKHA ee ahaa "Ha yaraysan Wanaaga wax yar oo ka mid"

" لا تحقرن من المعروف شيئا ً ’’


Quluubta Gadintooda allaa haya oo ciduu doona ayuu rogaa

Wabilaahi Tawfiiq.

24/02/2014.

Abdiqani Mohamed Ege

Fmcige@gmail.com
 My Blog
Facebook:


Comments

Post a Comment

Popular posts from this blog

DIBLAMAASIYADA IYO SIYAASIYIINTA SOOMALIDA:

Image
Kalmado iyo kulamo xusuus reebay Qaybta 1aad Wakhtigu waa goor galab ah, saacaduna waa afartii oo rubuc dhiman, waa bishii oktoober ee sanadkii 1976 -kii, waxa balansan wafti dawladda Soomaliya ka socda iyo masuuliyiin Maraykan ah, goobtu waa goob khaas ah (Apartment) oo ku taala hoteelka caanka ee Waldorf-Astoria ee magaalada New York, goobtani waxay gaar u tahay xog-hayah Arimaha dibada Maraykanka Henry Kissingerm, kaas oo kulmada gaarka ah ku qabsada, waa meel u gaar  ah xoghayaha iyo shaqaalihiisa oo kaliya.  Siyaasiinta Soomalida ee kulanka ku sugani waxay taageero u raadinayaa in dawladda maraykanku ay taageerto in dadka Soomaliyeed ee ku hoos jira xukunka itoobiya ay hesho xornimo iyo in kor loo qaado xidhiidhka Soomaliya iyo dawladda Maraykanka. Kulanku waa mid si qarsoodi loo diyaariyay, waxa uu ku soo beegmay wakhti ay kacsan yihiin xiisada siyaasadeed ee waddamada Soomaliye iyo itoobiye, waxa soo uraya saansaanta dagaalkii 1977kii dhexmaray Soomaliya i...
Sii Akhri »»

Heshiiska Dekada Berbera --- Falanqayn Madax banaan.

Image
Afeef: Qoraalkan koobani waa mid madax banaan, si guud iyo si gaar ahbana u qiimaynaya heshiiska is fahan ee dhexmaray Dawladda Imaaradka Carabta iyo Dawladda Somaliland, sidoo kale qoraalkani waxa sal u ah qoraalka soo gaadhay qaybo ka mid ah bulshada Somaliland.[Qoraalka oo yara dheer ka raali noqo] Hordhac: Dekada Magaalada Berbera waa mid ka mid ah kuwa ugu waaweyn ilaha dhaqaalaha ee somaliland leedahay, Dekadu waxay ku taalaa goob muhiim ah marka la eego khariiradda juquraafiyadeed ee Somaliland dhacdo, waxa intaasba ka sii wanaagsan, Dekadu waxay wax siin kartaa dadyow badan oo geeska afrika ku nool sida Somaliya iyo dal weynaha Itoobiya. Fursadaha ugu waaweyn ee Dekadu leedahay waxa ka mid ah in ay 80 milyan in ka badan ay fursad u haysto in ay wax kala soo dagi karaan, kuwaas ay dhaqaalahoodu xawli ku socod. Dekada waxa markii ugu horaysay dhisay Midawgii soofiyeeti, waxa isna mar danbe balaadhiyay waddanka Maraykanka. Dekadu dhaqaalaha soomaliland wax weyn...
Sii Akhri »»

Heshiiska Wareejinta Dekada Berbera -> Falanqayn Madax-banaan {Qaybtii 3aad}

Image
Qoraalkeenii hore waxaynu ku soo eegnay heshiiska Isfahan [Memorandum of understanding] ee dhexmaray Dawladda Somaliland iyo Dawladda Imaaradka Carabta. [ Halkan Riix ] Heshiiskaasi nuxurkiisu waxa uu ahaa iskaashi dhinacyo badan ah [areas of Cooperation] oo labada Dawladdood ah kana kooban 8 meelood oo ay baahi weyn u qabto Somaliland in lagala shaqeeyo, meelahaasi waxa ka mid ahaa beeraha, Shaqaalaynta, Tamarta, kaydinta shiidaalka, horumarinta warshadaha, Dekadaha, wadooyinka iyo dalxiiska. Meelahaas ayaa lagu heshiiyay in laga wada shaqeeyo, waxa kaloo heshiisku xusay in Dp-world oo ah shirkad weyn oo fadhigeedu yahay Magaalada Dubai, ay noqto fuliyaha koowaad ee heshiiskan si ay tusaale soo jiidasho leh ugu noqto ganacsatada reer Dubai. Qodobka 6aad ee heshiiskaas oo tilmaamaya in Dawlada Imaaradku ay Somaliland ka taageerto maalgalinta Dekada berbera ayaa ah ka ilaa hadda fulay, kaas oo Dawladda Somaliland iyo Dp-world ay kala saxeexdeen heshiis hordhac ah. Haddaba Hesh...
Sii Akhri »»