Maxaa laga baran karaa loolanka Agaasime James Comey iyo Madaxweyne Donald Trump? Qaybta [1]
Maxaa laga baran karaa loolanka Agaasime James Comey iyo Madaxweyne
Donald Trump? Qaybta [1]
Waxa jira wax aad dhagaysto ama
akhrido lakiin kaaaga duwan wararkii caadiga ee maalin kasta kuu soo mari
jiray, marka aad aragto loolan dhexyaala Madaxweyne awood fulineed leh iyo
agaasime maamula xafiis hoosaad hoos taga maamulka madaxweynahaas lakiin shaqo
ahaan madax banaan, waxa aad Dhacdooynikaas iyo loolankaas ku gadmaanay la
xasuusanysaa dalka iyo dawladdnimadda aad ku dhex nooshay, waxa is waydiinaysaa
maxaad cashro laga baran kartaa?loolanka siyaasadeed ee dhexyaala Agaasime
James Comey iyo Madaxweyne Donald Trump ayaynu qayb yar oo ka mid ahi ay si
gaar ah u tilmaami doonaa.
Bal aan si kooban u eegno waxa
laga qaadan karo, hab-dhaqankii agaasime Comey uu kaga falceliyay kulmo sagaal
ahaa oo uu la yeeshay Madaxweyne Trump intii uu xilka xafiiska Oval office-ka
la wareegay iyo intii uu ku sugnaa daartiisa Trump Tower ee uu sugayay inuu
xilka la wareego.
Inta aynaan u galin nuxurka
qoraalkan kooban aan is dultaagno si gole ka fuul ah dhacdooyinka saamaynta
taban ku lahaa inuu agaamise Comey la yimaado hab-dhaqanka gaarka ah ee aanu u
socono.
Ugu horayn Diicanber 29, 2016
ayuu Madaxweyne Obama ku dhawaaqay in talaabooyin cunqabtayn ay ku jirto uu ka
qaadayo Waddanka Ruushka oo lala xidhiidhiyay inuu farogalin ku lahaa
doorashadii Maraykanka ee Trump ku guulaystay, waxa uu qaaday talaabo ah inuu
caydiyo diblamaasiyiin ruush ah. waxa xigtay talaabdaas in u qaybsanaha la
taliyaha Madaxweyne cusub ee Trump ee amaanka Qaranka Maraykan in uu xidhiidh
telefoon ah la sameeyay safiirka ruushka ee Washington u fadhiya ruushka, waxa
uu balqaaday in cunqabtaynta Obama saaray la dabcin doono marka Trump xilka la
wareego, telefoonkaas waxa dabagal ku hayay haayadaha sirdoonka Maraykanka.
January 6-deedii 2017 ayuu
agaasime Comey warbixin xog sir ah siiyay Trump, xogtaasi iyo arimo la la
xidhiidhay faragalinta ruushka ee arimaha doorashada maraykanka ayuu la soo
qaaday, Agaasime Comey waxa xogtaas ku sheegay in aanu Trump oo aan xilka wali
la wareegin aanuu si shaqsi ah baadhitaan ugu socon isaga faragalinta ruuska
awgeed, kulankaas oo ka dhacay daarta Trump Tower ee New-york waxa Agaasime
Comey ka dib kulanka qoray qoraal xafiiseed (memo letter) uu la wadaagay
hogaanka sare ee xafiiska FBI-da waxna uu ku qoray laabtop FBI-du leedahay oo
ku jiray gaadhigiisa oo dibada hore ee daarta Trump Tower yaalay.
Comey oo sharci dajiyaaasha
hortagay si su’aalo looga waydiiyo kulankaas ayaa sababta qoraalka uu uga
sameeyay ku dooday in uu ka cabsi qabay in Madaxweyne Trump uu been ka sheego
nooca kulankooda.
14 cisho ka dib kulankaas ayaa
Donald J. Trump loo dhaariyay inuu noqdo Madaxweynihii 45aad ee Maraykan,
lakiin 2 cisho uun ka dib dhaarintii xilka Madaxweynenimo ayuu Agaasmiye Comey
ku qaabilay munaasibad Aqalka Cad ka dhacaday, waxa uu madal ilyartu isqabatay
kula kaftamay in Agaasmiye Comey ka caansan yahay isaga oo Madaxweyne ah (he’s
become more famous than me), tan waxa uu ka dibaaqayay Tuhun uu Trump qabay
maalmo uun ka hore in ay FBI-du heshay macluumaad cusub oo la xidhiidh
fadeexadii email-da ee Hilary Clinton, tan waxa Trump uu ku badhxayay fadeexda
cusub ee Flynn ( La taliyaha amaanka qaranka ee Madaxweyne Trump).
Ka dib kulankaas 3 cisho uun ka
dib January 24, ayay FBI-du waxa ka waydiisay Flynn xidhiidhkiisii isga iyo
Ambassador Kislyak, safiirka ruushak maraykanka u fadhiya. Tani waxay sas ku
riday Madaxweyne Trump
FBI-da oo ah xafiis qaabilsan
sirdoonka iyo amaanka Qaranka Maraykanka, waxa hogaamiye Agaasime James Comey,
waxa xilka loo doortaa 10 sano inuu hogaamiye, waxay sharci ahaan hoos tagtaa
una warbixiyaan waaxda Cadaalada Maraykanka (Department of Justice), lakiin
shaqo ahaan way madax banaan yihiin, FBI-du waxay ka mid tahay bahaha sirdoonka
maraykan.
Haddaba Jan/26 keedii ayay Sally
Yates oo ah ku simaha xeer ilaaliyaha guud, lana socdaan caawiyaasheedu ay u
sheegtay la taliyaha Aqalka cad ee Trump Don McGahn in arimo cunoqabataynta
ruushka la xidhiidha ay ku jireen wadda sheekaysigii Flynn iyo ambassordorka ruushku
Kislyak, taas oo sababi karta ayay Yates in la taliye Flynn uu u nuglaado in
ruushku uu shaadhka ka gubo Flynn (blackmailing).
Isla maalintii xigtay ayaa
markale Sally Yates looga yeedhay Aqalka cad si loo sii faaqido arinka Fylnn
iyo ruushka, Yates waxay sheegtay in arinta aanay cid kale oo aqalka cad ah
ogayn marka laga tago iyada, la taliyaha aqalka cad, lakiin isla maalintiiba
waxa wariyaasha lagu wargaliyay in Madaxweyne Trump lala socdiisyay arinta
Flynn, waxa lakiin taas cadho ka muujiyay la taliyaha aqalka cad Don McGahn oo
ku dooday sababta aqalka cad arinta loo dhex wado ee loogu dayn wayay inay
hogaamiso waaxda Cadaalada Maraykan.
Intaasi markii ay dhacday
maalinimadii 27kii January, Madaxweyne Trumpna maqalay in baadhitaan culus lagu
hayo Flynn taas oo la xidhiidh balaqaadyo uu Trump uga sido ruushka ayaa
Kulankii 3aad dhex maray habeenkii 27-ka Madaxweyne Trump iyo agaasime James
Comey, kulanku waxa uu ka dhacay Aqalka cad oo casho lagu lahaa, kulanka cida
codsatay Trump mise Comey isku si umay sheegin, Trump waxuu sheegay in Comey
doonayay kulanka si uu xilka agaasime ee FBI-da u sii joogo, lakiin Comey waxuu
sheegay Madaxweynu martiqaaday isaga iyo xaaskiisaba lakiin markii danbe uu
kaligii yidhi ii kalaay mar kale ayaan xaaska iyo adiga ku marti qaadiye.
..... La soco qaybta 2aad
W/Q. Abdiqani Egeh
Qoraale kale ka Eeg Bloga:
Comments
Post a Comment